Fala ti dragi naš noštromo.

Fala ti dragi naš kapetane.

Fala ti na tvojoj pjesmi.

Fala ti na tvojoj ljubavi

i plemenitosti ki si nan dariva.

Bija si velik i neponovljiv

za sva vrimena.

Takovega čovika ni.

Sve nas ki  smo

z tobon živili i delali

ostavija si u neizmjernoj tugi

plaču i u tvojoj pjesmi.

Z tobon smo kantali

sanjivali, ljubili, feštali

i veselili se životu.

Z tobon s mo našu dicu porađali,

z tobon smo he ženili

i u život upućivali.

Z tobon smo tako srićni bili. 

I dok na tvojoj partenci u vječnost

cilu Hrvatsku zalivaju slapovi suza,

ti nas tvojin lipin glason moliš:

ne plačite ljudi moji,

volite se, veselite se

i pivajte,

zaš moj život je bila pisma,

moj život je bila barka,

moj život je bilo more,

moj život ste bili vi.