Od subote do subote

Suboti se svi veselimo.

U subotu doma počivamo

i z našon famejon

lipe ure u miru pasivamo.

U nedilju h maši

lipo regulani gremo

Bogu se moliti i

svitu se prežentati.

U ponediljak, torak,

sridu, četrtak i petak

svi nas na delu melju i drobe.

To njin vero

dobro za rukon gre.

Jadni mi, za par šoldi

za život sve to trpimo

i žgromičani  i speštani

suboti se veselimo.

Denas je subota

denas ni žveljarin ne dela

i on počiva i on spi.

Denas smo joped

za našin bankon

doma srićni svi.

Od subote do subote

za subotu živimo mi

i komoč čekamo

da nan

naša draga šjora Foškera

ča lipega

po našu povi.