He poznate?

Ko ne, ja ću van pomoći.

To su prije svega

veliki lažljivci.

Jeno govore,

drugo delaju.

Svi su pričiži.

Za vrime izbori

svaštor obećavaju,

lipo nan se klanjaju,

mi smo za njih narod

a pokle tega,

kada sidnu u udobnu sidaču

i kad postane vlast

mi smo, kada iščemo svoju pravicu,

za njih bagra i rulja.

Da, da, takovi su oni i

Nami se joped tornivaju

samo vnontar kada trdo dojde

i kada joped tribaju naš glas.

Ža mi je, ritki mid njima su vni

ki na svoj narod,

ki he je zbra i ki he hrani,

vajka pensaju,

žive i delaju.

Čuda he je više

ki se Bogu mole

 da he u škodi

ne ulove i čepaju i

da he u Remetinec ne pohitaju.