Vaya Con Dios amigo


Svit je u šoku.

Plače Argentina,

plače Boca Juniors,

plače Barcelona,

plače Napoli,

plače Sevilla,

plače Hrvacka,

plače cili svit.

Nidan ne viruje

da više nisi z nami.

Bija si tako velik,

bija si genijalan,

bija si dite cilega svita.

Svi smo te volili,

svi smo ti se divili.

Amigo moj dragi,

ti nisi bija Argentinac,

ti si bija dite cilega svita.

Ti si pripada svima nama.

Tvoje vragolije na igralištu

i u životu

svi smo jednako volili

i tebe obožavali.

Zbog svega tega

čak i vnu „Božju ruku“

protiv Engleža

i izlete u, nažalost, zagrljaj droge,

sve ti to opraštamo.

Dragi Diego, ujedinija si svit

i to ti nećemo nikada zabiti.

Fala ti na svin tvojin 

bravurama i darovima

ke si nan darova.

Svit je denas brez

svoga dragulja usta.

Vaya Con Dios 

dragi Diego Armando Maradona,

drago dite materino,

kakovo se nikada više neće roditi.

Počivaj nan u miru Božjen

dragi naš Diego,

neponovljivi balunjer,

virtuoz, pjesnik života i veliki, veliki čovik.

Podijeli članak:

Facebook
Twitter
Reddit
WhatsApp