Na kafelu


Na maloj pjaceti 

Svetega Lorenca 

u Rimu kafe pijen. 

Golubima 

male kuščiće 

biškoti dajen. 

Kartolinu doma pišen. 

Boga molin da mi povi 

zaš ninega od mojih 

z menon joped ni. 

 

Na maloj pjaceti Svetega Lorenca 

u Rimu kafe pijen 

i komoč čekan 

da naprid gren. 

 

A, ki zna, 

forši san tamo 

kamo želin pojti 

već riva.

Signore, vi prego

ancora un caffe. 

 

Roma, Settembre, 1999.

Podijeli članak:

Facebook
Twitter
Reddit
WhatsApp