Jesen


Sve je suro,

sve je škuro,

sve se kambijiva.

Vrtli, njive, korunali

i  boške vištite

steši kambivaju.

Magle i oblaki

sunce pokrivaju.

Dani su sve mrzliji,

kraći i škuriji.

Daždi sve gušče padaju.

Z baldadure gledan

ples vitra, dažda, lišća, magle i oblaka.

Vitri sve jače pušu i zavijaju.

Ljudi jakete, jaketone i blužone

si prontivaju.

Kampanju na sve riže ubajdivaju.

Na misto tega muški konobe i oštarije

sve gušće vižitivaju

u zogah i dobren vinu uživaju.

Žene, pak, svoje delo

u hižah i okolo hiž delaju.

Dica i mladi,

kako vajka

i svaderi po svitu,

samo na škerac

i na ljubav pensaju.

Neka he, neka,

neka se životu vesele.

Jesen je,

sve gušče okolo gnjišta sidimo,

drva ložimo,

kumpir na fete

na tavelah pećemo.

Lipo se po našu pominjemo

i starih lipih vrimeni se domišljamo.

Jesen je,

pada daž,

pada lišće,

pada drugi daž.

Da, da

 i jesen ima svoju lipotu

i svoju draž.

Podijeli članak:

Facebook
Twitter
Reddit
WhatsApp