Istro moja

Istro moja,

srićo moja,

rodni kraju moj.

Svaderi san bija,

cili svit san ubaša,

nezabljene lipote san vidija,

ma tako lipe zemlje

nideri na svitu nisan naša.

Tvoje vedro nebo,

tvoje modro bistro more,

tvoji mali i veli škoji,

tvoje plodne njive,

tvoje zelene boške,

tvoja draga mala sela

i prelipe grade

niš na ven svitu

ne more kambijati.

Za tebe živin,

za tobon plačen,

grlin te i ljubin

i u mojen srcu te

po cilen svitu nosin.

Bog te blagoslovija

Istro moja,

mati lipa moja,

dragi zmučeni,

ma ponosni narode moj.

U Rio de Janeiru, miljar devetsto i devedeset i osmega lita Gospodnjeg