Kako Te je lipo bilo slušati i z Tobon pivati

Fala Ti, dragi naš noštromo.

Fala Ti, dragi naš kapetane.

Fala Ti na Tvojoj pismi.

Fala Ti na Tvojoj ljubavi

i plemenitosti ku si nam dariva.

Bija si velik i neponovljiv

za sva vrimena.

Takovega čovika više ni.

Sve nas ki smo

z Tobon živili i delali

ostavija si u neizmjernoj tugi,

plaču i u Tvojoj pismi.

Z Tobon smo kantali,

sanjivali, ljubili, feštali

i životu se veselili.

Z Tobon smo našu dicu porađali,

Z Tobon smo he gojili, ženili

i u život upućivali.

Z Tobon smo tako srićni bili.

I dok na Tvojoj partenci u vječnost

cilu Hrvatsku zalivaju slapovi suza,

Ti nas Tvojin lipin glason moliš:

Ne plačite, ljudi moji,

volite se, veselite se i pivajte,

zaš moj život je bija pisma,

moj život je bila barka,

moj život je bilo more,

moj život ste bili svi vi.