Bogdaj sriću ljudi moji!

Srična mi budi, Istro moja,

crlena, bogata zemljo moja.

Tamo kadi sunce sja,

tamo kadi svega

dragi Bog nan je da,

tamo kadi vitri šviču,

tamo kadi bura zavija

i sve prid sobon nosi,

tamo kadi modri vali plešu

i naše kante kantaju,

tamo kadi dobri i marni ljudi

svojin znojen trdu zemlju zalivaju,

po cile dane i noći,

delaju i ribu love,

a u subote i nedilje

se počiva, fešta i fraja.

Da, da, tamo san rojen ja.

Istro moja mila,

lipa i ljubljena mati moja

za tebe ću vajka živiti ja.

Z ljubavlju iskreno

vaš Marko-Ivan Pekica