Kadi je Bog pravde?

Kadi je Bog dobrote?

Kadi je Bog ljubavi?

Kadi je Bog spasa?

Kadi je Bog nade?

Na tronu božanstva sad,

na misto Boga,

nike nove vladare vidin.

Od kuda su?

Ki he šalje?

Ča nan dobrega nose?

Ruke su njin krvave.

Jako me je strah…

Na Golgoti joped hita i blješči.

Je moguće da su Boga ubili?

Na Mont Martre-u u crikvi Sacre-Coeur

u Parizu na kolinima klečin

i Bogu se za moj narod i obespravljeni narod cilega svita molin.

Dosta nan je straha, tjeskobe

krvi i ratova.

Mi rabimo Boga,

mi rabimo ljubav, mi rabimo mir

i život ispunjen pravednošću i zajedništvom.

TODOS, TODOS, TODOS,

SVI, SVI, SVI MI BOŽJA DICA SMO.