Brzinski, koka, mi nestaje sape, si čula za ovo, kaj to pa je AP? Jel’ morti to igra kaj igraju deca, dok odrasli ž njima delaju heca, a bedasta deca sa šakom soli ganjaju taubeka, da rep mu ko vlovi? Od jučer ta slova AP me muče, od gruntanja v glavi tak fest mi tuče, jel’ morti su ona krivo napisana il’ trebala morti su biti narisana? Kak slikicu bolje bi nacija shvatila kome, kolko i zakaj su platila il’ je i Bogek od nas digel ruke pa nek’ svjesno slepi trpimo muke. Znaš, celu sam noć v mraku ja gruntala sileći sebe furt sam se puntala, tukla po glavi, reči izvlačila, kaj AP znači sam sebe tlačila. Iako naš jezik je rečima bogat ta slova AP ko vrag su rogat, i nikak se zmislit, dokučit značenje, a morti bu EU pronašla rešenje? Pak ona nas vodi kroz svo dugo vreme na leđa nam stavljajuć sve teže breme, jer zna ona kolko mi moremo dati, dok glasnom tišinom nam furt kriči PLATI! Si čula sad koka, sam slovo P rešila i ziher sad f tome nis nikak pogrešila i viš kak mi mam za slovo A zvoni, APSURD je to ziher kak šuplji baloni! I evo, kaj dobiš z tom igrom reči, si sretan z rešenjem, al to niš ne zleči, jer samo kod nas Apsurd se Plaća, dok “oni” se bogate, mi bumo bez gaća!
(Iz knjige ‘Greta Agramer’)
