Ljudi moji,

narode moj,

a ča ćemo,

ča moremo,

ča da van rečen,

takova su vrimena:

patin ja,

patite vi,

 patimo svi mi,

pati i bolan je cili svit.

Patnje nas sve skupa

na svoj mod muče i žalosnima čine.

Svakega od nas ki patimo

jako dobro kapin i

predobro znan

koliko to boli.

Jušto zbog tega vas lipo molin

da z našon patnjon nikada

ninega ne dišturbamo

i dušu i tilo drugima

još više ne ruvinivamo.

Na misto tega

ljudima cilega svita

darivajmo samo ljubav, mir

dobrotu i veselje,

a patnja i sve grdo neka

ča prije od nas largo gre.